وأنتم القاطرة اللتى تتجه الى الحرية

وعموما انا قصدت توضيح راى لا اكثر

وانا زى ما قلت لك قبل المهم هو الشعب

عشان كده احنا لازم نعمل على توعيتهم
وزى ما المثل بيقول ابدا بنفسك فانا بدات فعلا
بكشف بعض المدحين والمنافقين عشان الناس تعرفهم
ويريتك تزور مدونتى وتقولى رايك http://alexandy.blogspot.com/
مع تحياتى
أحمد مصطفى

طبعا رأيك به وجاهة لو مسكنا بعض تفصيلاته. لكن يهمني أننا ما نعممش لأن على الدرجة دي من التعميم أي رأي في الدنيا ممكن يكون صح، حتى المؤامرة الماسونية العالمية على كفر طهرمس.

أكيد فيه بعض الناس ال نزلت المظاهرات علشان هي حاجة جديدة و “كوول” اكتشفت بعد شوية قد إيه هي حاجة ممكن تكون مهمة و فعالة و اكتشفوا عن بلدهم ما كانوا لا يعلمونه. و أكيد فيه ناس اشتغلت شوية و بعدين بطلوا لأي سبب؛ في رأيي مش مطلوب كل حد يسخّر حياته للنضال علشان نعتبر الناس صادقين أو النضال فعال، الناس هتتغير، دا أكيد. و حتى النجوم ال بيتصوروا فدول وجودهم مطلوب لأنهم يشكلوا حلقة وصل ما بين الناس الجديدة و الناس القديمة و يعطوا الحركات وجوه و ديمومة؛ مش معقول الناس تشتغل و هم لابسين شرابات على دماغهم أو ينادوا بعض من غير أسماء زي النُسّاك ما بيعملوا باعتبار أن الأسماء دلالة على التفرد و التميز و هم عاوزين يذوبوا في الكل!

من ناحية ثانية، لو نرجع لموضوع التدوينة دي تحديدا، فأنا حين ذكرت الناس ال تسافر و تصرف فلوسها فأنا لا أتكلم عموما، و لا أتكلم عن ال يسافر علشان يحضر مظاهرة في العاصمة؛ أنا أتكلم هنا تحديدا عن فعاليات لها علاقة بمناهضة التعذيب خصوصا (شوف الروابط في تعليقي السابق علشان تفهم قصدي) و هي مش من الفعاليات ال سُلّط عليها أضواء إعلامية وقت حدوثها و ما كانش فيه صحافة و فضائيات، دول ناس مشاهير تحملوا عناء علشان يوثقوا حالات تعذيب في الريف من غير دوشة و يشجعوا أهالي الضحايا يطالبوا بالقصاص. دا مجرد مثال.

الموضوع مش عقيم للدرجة ال بيصورها تعليقك الأول.

انا عارف انا الحركات ليها دور مهم لكن دا فى حالة انها نزلت الشارع واحتكت بالناس لكن نظام المؤتمرات دا مبيجبش نتيجة

غير ان الموضوع يفضل صفوة فى صفوة
وبالنسبة للناس اللى بتسافر وتتعب نفسها
وتصرف فلوسها فيشرفنى انى اقولك انى عملتها كام مرة وخصوصا انى من الاسكندرية
وطبعا اغلب الفعاليات فى القاهرة
لكنى اكتشفت ان فى ناس بتحب مصر وفى غيرهم بيجوا عشان يركبوا الموجة ويقول كلمتين لأى جريدة عشان صوره تنزل ويتقال انه رجل معارضة محترم
والنوعية دى عشان تكشفهم تابع المظاهرات ساعة الضرب او الاحتكاك مع الامن

عندك مثلا عم فؤاد نجم شوف صحته على قده ازى لكن بيقف ويزق وياوح
وا. محمد عبدالقادوس كانواقف جانبى وبيضرب فى العساكر

لكن واحد من نوعية ا . جورج اسحق بيعمل ايه غير يتصور ويقول كلمتين

مع تحياتى

Hpl] lw’tn

طبعا الحل هو الشعب. و المجموعات دي هي جزء من الشعب، و في كل الحركات الشعبية لازم تبتدي من مجموعة ما تصبح هي بالتعريف صفوة اللحظة دي. مش لازم يكونوا الأغنى و لا الأكثر تعليما علشان نصفهم “بالصفوة”.

إنما أنت مش شايف أن أي من الحركات السابقة كانت مجدية أبدا؟
يعني الحملة ضد التعذيب مثلا ما حققتش أي مكاسب في رأيك؟ الحكومة لعقود كانت تنكر مجرد وقوع التعذيب، و اليوم اعترفت وزراة الداخلية بوقوعه، حتى لو أصرت أنها حوادث فردية؛ و وسائل الإعلام تناقش الموضوع يوميا و تواجه به ممثلي الحكومة؛ كما يقدم ضباط إلى التحقيق و المحاكمة، حتى لو لم يلقوا الجزاء العادل دائما (الخبر في الرابط الأخيرا مجرد خبر حديث لقيته و أظنك تعرف أن فيه زيه كثير). مش شايف خالص أن الحركات حفزت الناس أنهم يهتموا بالموضوع؟

طيب إيه رأيك في مقال يحيى فكري في الأخبار “الفوران في الشارع المصري وارتباك المعارضة”؟

موضوع “عاوزين يعملوا منظر” دي بقى هي ال مش موافقك عليها خالص. الناس ال بتسافر، و تكتب تقارير و تتعب نفسها و تصرف فلوسها و تتعرض لمخاطر أكيد ممكن يعملوا مناظر بطرق أوفر و آمن من كدا، فمش معقول تحكم على نياتهم أنت بكل سهولة كدا!

لست متشاءم ولكنى اجدها مجرد حركة تنضم الى من سبقها
مجموعة صفوة وعايزين يعملوا منظر

الحل هو الشعب

وليس الحركات

مع تحياتى

عليك أن ترى زملائي في الجامعة وسخريتهم من كلمة “ركيكة” باعتبارها بدعة وكل بدعة ضلالة وكل ضلالة في نار!

أحاول تخيل رد فعلهم، ليس فحسب على تاسيس لجنة ضد التعذيب إنما على شعار: لسنا خلعاء. أظن إنه لن يتعدى نكتة مثل لغة اللمبي، وقلة ستهتم أن تعرف معنى الكلمة أساسا.

بس سيبك إنت، إنت أستاذ في كتابة الشعارات، فاكر “خلوا سبيل علاء”. حاجة تخلي الواحد ينبسط بجد

رأيي أن اللهجات المحلية غنية و معبرة و كثيرا ما تلفت نظري تعبيرات مغرقة في العامية لكنها فصيحة جدا. دعك من لغة محطات الميكروباص.

لو صح كلامك يبقى ما فيش أمل!!