يا إلهام، مش فاهم قصدك بالضبط الحقيقة، لكني أقول أن القيود موضوعة و ليست جزءا من تعريف الحرية، و أنا من حيث المبدأ غير معترض على أننا كجماعة نحط قيود نرتضيها على تصرفات بعض، و غير معارض لمبدأ العرف و العادة لأنهم من مقومات الرباط الاجتماعي، لكن ما أقوله هو أننا يجب أن نعرف أننا من نضع القيود.

شوف متأخدش كلامي من باب المزايدة ، بس في رأي ان محاولة شرح مفهوم الحرية للأخر هو نوع تاني من التقنين ، ده غير انه بشكل تلقائي بيخلق نمط مضاد في حالتك ديه هيكون اسمهم خصوم الأنحلال ، الحرية ممارسة اكثر منها مفهوم ، مينفعش ان الشخص يتعلمهاـ وتعلم قبول الأخر بيكون شئ في الجينات
الخلاصة ..اظن اننا مش محتاجين نشرح لناس مفهوم الحرية قد ما احنا محتاجين نمارس البتاعة ديه اللي اسمها حرية ونصر علي حقنا في ممارستها لغاية ما يفني الجيل ده ويطلع جيل تاني مُتعاطي الحرية ، ده غير ان الناس بتنقد بعد وبتعمل نوع من الغربلة لأفكارهم زي ما حصل عندي ، خمسين واحد شتم لكن في اربعة خمسة دخلوا ناقشوا الناس اللي شتمت – مع انهم مش موافقين علي انا كتبته – في أن مش ده الأسلوب الأمثل لمناقشة حتي لو كانوا معترضين
بيسموها الفوضة الخلاقة ولو ان المصطلح ده بقه مشبوه لكن معلش انا لسه بحترم الكمياء
وطبعاً التفاعل ده مش هيتم غير من حالة صراع
علي كلاً انا بجد مبسوط انك فكرتني بالفيلم
يلا العواف عليك

نهضة مصر: ليس من ذكرتهم فقط هم الذين تشكل لهم الحرية معضلة، فالنظام الذي يقاتل هؤلاء يستخدم نفس الذرائع بتكسيات مختلفة. أرى كذلك أن الدافعين يتهم الإرهاب الفكري في موجهة الإسلاموين يندرجون تحت نفس الفئة. المسألة لغوات مختلفة.

مفق معك يا هاني في أن لا أحد يتحكم في سير الأمور و لا يستطيع التنبؤ بما ستكون عليه النتائج، و لا أشيرهنا إلى الأفعال الواضحة الصريحة التي تكون ردود الأفعال عليها معروفة سفا، لكني أقصد تلك الخيارات الصغير التي تخضع لتاثير الفراشة.

علاء، آه، فاهم قصدك أن الحرية مش ذريعة في حد ذاتها و مش هدف الناس بتحط له خطة و تتحرك علشان تحققها، و كمان موضوع الحرية المزعومة ال أنا مش فاهمه كويس. عند ناس كثر أن الحرية معناها أنك تقول ال أنت عاوزه و أنا أؤيدك..و لو اختلفنا يبقى أنا باحجر على حريتك أو باستعلي عليك؛ و في نفس الوقت أنت ممكن تكون بتحرض على قتلي مثلا!

و صحيح، هي الحرية تهمة فعلا حتى لوأنت ما جبتش سيرتها. مجرد أنك شايف رأي ال قدامك غلط فأنت متهم بالحرية المزعومة. و لما تقول لحد أنك ما عندكش مانع أنه يختلف معك و يروج لرأيه المخالف: طناش كامل…دا إن ما كذبش إدعاءك دا.

إيه دا! هو أنت مش مكتوب في بطاقتك الأوضاع الجنسيةال بتفضلها! دي رقم قومي و للا قديمة؟

لما باتكلم عن الحرية المسؤولة من عدمها بافترض موقف عبثي أساسا و عارف إن الحرية دائما موجودة تحت أي ظروف، لكن قصدي أن ما فيش حاجة اسمها حرية غير مسؤولة كدا من الهواء، إلا ال احنا بنسمح به لناس غيرنا على حساب حريتنا. يعني برضو اختيارنا، و دا يرجعنا لفكرة حدود الحرية و ازاي بتتشكل بالتفاوض و تشغل كل الحيز المتاح ما لم تواجهها قوة نابعة من حرية أخرى تعادلها/تحجّمها.

الملخص:
في ناس هتعمل حاجات وحشة/حاجات ما تعجبكش؟ آه
هل السبب هو الحرية؟ لأ

حمكشة: آه. و توجد أيضا مشكلة هل الإنسان مخير أم مسير. أنا ما عنديش حلول للمشاكل الفلسفية أو الوجودية؛ ما تهرّجش و حتى المشاكل العملية في المجالات ال ممكن أفتي فيها أكون متوقع أن ناس تانيين يفكروا معي. هتقول لي أمال المحاضرة ال فوق دي إيه؟ هقولك لا، دا توضيح بس

يا ريت تشرحلهم أن حرية التعبير دي دفاع، محدش بيقول كذا بحجة حرية التعبير، الواحد بيقول كذا عشان عاوز يقول و قادر يقول و ناوي يقول و مستعد يتحمل نتائج أنه يقول، حرية التعبير دي بنقولها في دفاعنا عن اللي قال لما يحتاج دفاع (يعني لما يتقبض عليه أو يهدد بالقتل أو ينضرب الخ).

بالتالي ملوش أي معنى الحوار على حدود الحرية الا اذا كنت متعشم أن الطرف الآخر هيلتزم بالمعايير اللي حواركم هيوصلها أو اذا كان عندك آلية لقمع و عقاب اللي يخرج عن معاييرك، لكن النقاش عمال على بطال على كذا يندرج تحت حرية التعبير ولا لأ في المطلق و من غير أي سياق للسؤال (سياق زي ده حرية تعبير في التشريع الفلاني ولا لأ مثلا) مضيعة للوقت.

و بعدين نفسي أفهم الرعب الشديد من الجنس ده، ده بيبرروا عدم استخراج شهادات ميلاد لبعض المصريين لحسن يا لهوي يا لهوي يا لهوي الناس هتمشي في الشارع عريانة، أو المثليين جنسيا هيطلبوا يكتبوا معرفش ايه في البطاقة (ألا دي بالذات جابوها منين؟ ايه البلد اللي قام فيها المثليين جنسيا يطالبوا باثبات ميولهم الجنسية في البطاقة؟).

تكملة على التنظير، شرحك لارتباط الحرية بتحمل عواقبها و أن ده معنى الحرية المسئولة ساري حتى لو المجتمع مقموع و غايبة فيه الحريات السياسية، يعني في مجتمع مفتوح بتمارس حريتك و غالبا الثمن الوحيد اللي هتدفعوا أنك تزعل ناس و في المجتمع المخنق بتمارس حريتك و الثمن أنك هتتعذب، في الحالتين أنت بتعمل نفس الحاجة، الاختيار أصعب بس.

بس أنا شايف الصراع على كلمة الحرية و كمية الكليشيهات اللي على مقاس هتبقة فوضى عاااااه كبير لدرجة أن أحسنلنا نختار لفظ ثاني، ايه رأيك نسيبلهم كلمة الحرية و نسمي البتاع اللي أنت اتكلمت عنه فوق ده البزرميط؟ يعني لما حد يتحبس بسبب رأيه هندافع عن بزرميط التعبير و كده يمكن نقلل الناقات شوية.

هيييه و فكرة كمان غالبا هعملها قريب، أنا متأكد أننا لو عملنا مسح احصائي على مجمع المدونات المصرية هنلاقي أكثر المدونين استخداما لكلمة الحرية هما اللي قاعدين بيتخانقوا على ارساء حدودها مش الثانيين، يعني السجال حول الحرية كله خناقات خيال مآتة، ينطوا على واحد و يقولك دعاة الحرية أو مدعي الدفاع عن الحرية و تدور الراجل اللي هما بيتخانقوا معاه ده قال على نفسه داعية للحرية امتى بس؟ طيب جاب سيرة الحرية أصلا؟

و عاااااااااااه دول كل خمسة هيعملولهم دين و يكتبوه في البطاقة و هيمشوا في الشارع عريانين و بعدين مش بعيد الخولات يكبتوها في البطاقة و دي تبقى فوضى عاااااااااااااه

هتبقى فوضى عااااااااه

ايه مخفتش من كلمة فوضى ليه؟ مش عارف يعني ايه هتبقى فوضى؟ فوضى دي يعني مصيبة كبيرة، فوضى دي زي البعبع كده أنت ازاي مش خايف، بقولك فوضى فوضى زي الانترنت كده، تخيل عايزين التدوين يبقى زي النت، شفت الصفاقة مع أن معروف أن الفوضى متنفعش حتى بص النت مبتنفعش، عااااااااه

فوضى

عريانين

شواذ

فوضى

عريانين

عبدة البقر

عااااااه

الحريةُ باتت حِكراً على قاصري الإدراك، يتحدثون عنها موغلين في انتهاكِ حرياتِ الآخرين تحت دعوى إقامةِ شعائر حريتهم الشخصية.

يهطلُ أحدهم عليك فجأة، يتساقط كومة من حريةِ الشتائم، سطلاً ممتلئاً بحريةِ الزنزلخت الأسود، مهاجماً حريتكَ في أن تقول رأيكَ الذي يجده مفسدةَ للمجتمعِ والأمة، ويُبين لك مدى جُرمك في إشاعة الفحشاءِ والمنكر. الآن سينتشر الزنا واللواط بسبب أفكارك، ستعم الجريمةُ كما في أمريكا، وتزداد معدلات الاغتصاب، ويتلو عليك الإحصاءات التي سمعها من سلسة أشرطة صوني عفافكِ أختي المسلمة.

حرياتنا خطرة على المجتمعاتِ يا ألف، قاتلنا الله