أنا فاكر قرأت روايتين قصيرتين كان ناشرهم حاجة من بتوع الدولة (قصور الثقافة مثلا) كانت الأفكار العلمية الأساسية بسيطة (أو حتى ساذجة) لكنها كانت بتحصل في الريف المصري و ربط الخيال العلمي بحياة الدلتا كانت معمولة بشكل في فن و حرفية عالية (خصوصا بالنسبة لكتاب شباب).

مش فاكر أسامي الروايات ولا الكتاب، رواية كانت فكرتها المركزية عن الأيوجينيا لكن من غير خزعبلات استنساخ و لعب في الجينات، كان مجرد راجل عنده خبرة طويلة في تربية سلالات الخيل و قرر أنه يربي سلالة بشر أصيلة باختيار مين هيتجوز مين و بالتخلص من الأطفال الغير مطابقين للمواصفات.

الرواية الثانية كانت أجمل، الفكرة الساذجة كانت عن تبادل مخ انسان و حمار، لكن اللطيف كان ازاي الانسان اللي مخه مخ حمار بيتحول لولي من أولياء الله الصالحين و له كرامات و مولد و هيصة و الحمار بيتحول لأسطورة عن الحمير المسعورة اللي بتنط على الستات.