Comments on: البرنامج الثاني

By: ألِف

ألِف — Mon, 11 Dec 2006 16:11:37 +0000

عزيزي البرّاني، لا زلتُ في طور الإعداد للمشروع الصغير و ليست لدي أية تسجيلات. و أكيد سأتيح المواد على إنترنت بمجرد أن أبدأ، لأنها الوسيلة المثلى لحفظ هذا التراث.، خصوصا إذا ما تم توصيف التسجيلات جيدا. سأبدأ التسجيل من الراديو مباشرة، و إن كانت لدى أب شخص تسجيلات قديمة في حالة جيدة فأنا على استعداد لرقمنتها. موضوع التسجيل من الراديو يتطلب جهازا حديثا ما زلت أحاول الحصول عليه بسعر مقبول.

By: out-sider

out-sider — Sun, 10 Dec 2006 23:33:09 +0000

مساء الخير
كنت حابب أسأل إذا في إمكانية لرفع المواد اللي عندك علي الشبكة

دمت بود

By: az

az — Tue, 10 Oct 2006 09:47:04 +0000

يااااااااااااااااااه….. انا كنت بموت فيها الاذاعه دي بس خرفت للاسف وبطلت اسمعها من فتره… للاسف التسجيلات اللي كانت عندي كلها باي باي كمبوره… الشرايط ضربت للاسف ولذلك انا سعيده جدا بالمسروع بتاعك ده… ربنا يوفقك

By: عمرو عزت

عمرو عزت — Sat, 07 Oct 2006 00:09:28 +0000

كنت أيضا من عشاق البرنامج الثاني
لا أذكر متي و لا كيف توقفت عن متابعته
و لكني أذكر أني أيضا سجلت عدة مسرحيات و أغان و أدوار قديمة
سأحاول البحث عنهم

مشروع عظيم في الحقيقة
و ياريت لو يطلع فيه حد عنده تسجيلات لشكوكو

By: النعامة

النعامة — Thu, 05 Oct 2006 09:43:25 +0000

والد صديقتي العصفورة يحتفظ في مكتبته بتسجيلات للأعمال الكلاسيكية التي قد سجلها من إذاعة البرنامج الثقافي..هاشوف كده لو ممكن أعمل منهم نسخة. لا أعد بشىء.

By: Guevara

Guevara — Wed, 04 Oct 2006 13:00:48 +0000

كنت بتخانق مع الراديو ساعتين عشان أعرف أوصل لإرسالها اللي كان دايما ً ضعيف جداً .. أحياناً ماكنتش بعرف أوصل غير في ليلة صيف صافية جداً و كنت بوصل على الآخر يعني و هم بيقفلوا .. المهم إني سجلت منها شوية مسرحيات يا رب ألاقيهم

By: النعامة

النعامة — Tue, 03 Oct 2006 10:33:12 +0000

خلاص كل المحطات اشتغلت الحمد لله..افتقدت إذاعة البرنامج العام جدا..النهاردة الصبح استمعت تاني لبرامج الصباح إللي باحبها وبالليل في رمضان بيعيدوا تاني ألف ليلة وليلة بتاعة زوزو نبيل.

By: مختار العزيزي

مختار العزيزي — Tue, 03 Oct 2006 09:08:18 +0000

أيوه أنا لاحظت ان كذا محطة توقفت من يومين ومنها البرنامج الموسيقي والقران الكريم … الشرق الأوسط تقاسم البرنامج الثقافي منذ فترة وأحيانا متهيئلي البرنامج الثقافي مش بتيجي خالص وتستمر الشرق الأوسط. أنا بدأت الاستماع الي البرنامج الثقافي في نفس وقتك يا ألف في الاعدادية وفعلا كانت جميلة بس علي فكرة لحد دلوقت في حاجات جميلة في المحطة علي الرغم من التغييرات. أنا عشان باكره التلفزيون من صغري فالراديو كان ولازال مهم جدا لي. تحياتي وشكرا علي التدوينة لأن مفيش ناس كتير بتهتم بالراديو خصوصا مع وجود الدش والكمبيوتر.

By: النعامة

النعامة — Mon, 02 Oct 2006 07:11:46 +0000

تحديث، أكتشفت النهاردة الصبح ان بعض الإذاعات عادت للبث مرة أخرى، بس مش عارفة البرنامج التاني منهم ولا لأ.

By: لستُ أدرى

لستُ أدرى — Sun, 01 Oct 2006 16:32:59 +0000

ثم لم أعد أستمع إليها إلى ما ندر، و أعود إليها من آن لأخر – مثل هذه اللحظة – آملا أن أجدها كما تعودت عليه

دا حقيقى… بالنسبة لى الراديو كاكل… مش بس البرنامج التانى

بس على فكرة،، زى ما قالت الست نعامة… لسا فى مقطوعات كوسيقية بتلعب،،، ومسرحيات و روايات عالمية.. بسمعها من حين لآخر بس على بليل اكتر…
والموسيقى غالبا مساء الجمعة.. على حد فكرى

بس فى المجمل.. المشروع اكتر من رائع.. ولو فى طريقة للتسجيل تقول عليها ليه لاء.. ممكن تقسم الشغل على اللى يتطوع