هذه الصفحة تعتمد على صفحات الطرز المتراصة (CSS)
| &lArr
2006/05/25

يافطة و بوستر و تي شرت

ملف PDF هذا يُطبع على ست ورقات A4 منفصلة يمكن قص حوافها و لصقها معا في تنسيق 3×2 لعمل لافتة مساحتها 55 سنتيمتر مربع تقريبا.

لافتة "نحن معكم يا قضاة" من ست ورقات A4

كما يمكن تحميل ملف PDF فيه نفس الشعار بمقاس صفحة واحدة A4 طباعتها على تي شرت عن طريق الورق الناقل حراريا بالكي\المكواة

يمكنك تحميل نفس الصورة التي تراها أعلاه في صيغة SVG لطباعتها بأي حجم على أي سطح تُريد لافتات أكبر؛ تعمل شبلونة مثلا. ما حدش يسألني يعني إيه شبلونة.

اشتر قميص قطني مطبوع عليه شعار "نحن معكم يا قضاة…استقلال القضاء مطلب وطني" لتعرب عن تضامنك مع القضاة و تدعم الحقوقيين المدافعين عن المعتقلين
أو يمكنك شراء قمصان مطبوعة جاهزة في مقاسات و قصات مختلفة على وب مباشرة.

كل الأموال الناتجة عن بيع هذه القمصان القطنية ستذهب إلى مركز هشام مبارك للقانون لدعم لجنة الإعاشة.

يمكنك المساعدة في بيع القمصان بوضع الرَّقْم التالي في موقعك:

<a href="http://www.zazzle.com/alif01*/product/235789127830504345"> <img src="http://rdr.zazzle.com/img/imt-prd/pd-235789127830504345/isz-m/tl-Independent+Judiciary+for+Egyptians%E2%80%A6It%27s+our+right.jpg" alt="نحن معكم يا قضاة…استقلال القضاء مطلب وطني" /> <br /> اشتر تي شرت يظهر تضامنك مع القضاة، و ادعم الحقوقيين المدافعين عن المعتقلين. </a>

(8) تعليقات

  1. لو حدّ عايز يعرف يعني ايه شبلونة ممكن سيألني وجهًا لوجه عشان مش هاعرف اشرح بالكتابة أو يخطف رجله لحد المقطم عند احمد هايلاقي واحدة.

    فاكرين الاشكال البيضاوية إللي كانت بتتباع في مجموعة مغلفة عند الشريف للبلاستيك أو أي مكتبة في أي حتة (كانت منتشرة جدا واحنا صغيرين) وباستخدام القلك الرصاص (وهو ما أفضل استخدامه) أو القلم الجاف ممكن نعمل اشكال مختلفة بها وبألوان مختلفة كمان. مش هاعرف اشرح اكتر من كده ومش لاقية صور كمان عشان اوضح بها. الأسهل اخطفوا رجلكم للمقطم واتفرجوا وافتكروا. (هى كلمة شبلونة ديه عيب؟ كل ما أقول لحد شبلونة يستغرب ويسكت)

      الست نعامة @ 09:50 2006/05/25

  2. بعيدا عن استقلال القضاه
    ايوه الشبلونة عيب ، عندنا احنا المهندسين اللي يشتغل بالشبلونة يبقى فاشل و مابيعرفش يرسم ، و احسله يروح تجارة هايمشي فيها عن هندسة ، طبعا بعد ما الواحد بيتخرج بينسى حتى ازاي يرسم بايده

      spring @ 23:23 2006/05/27

  3. أول حاجة مبروك يا ألف على عودة الصفحة مرة أخرى.

    تاني حاجة شكرا يا سبرنج على التوضيح، بس انا ماكانش قصدي المهندسين يعني (أكيد طبعا لو مهندس بيستخدم الشبلونة يكون مضروب) أنا قصدي على الناس التاني إللي مش مهندسين.
    المهم شكرا على التوضيح.

      الست نعامة @ 10:12 2006/05/28

  4. انا اسفه بس هسيب تعليق مالوش اى علاقه بالموضوع… انا بعتلك مايل اكتر من مره وبيرجعلى تانى مشعارفه ليه
    bezret_eldor@hotmail.com ده المايل بتاعى

      az @ 07:56 2006/06/01

  5. الشبلونه
    حرير مشدود ومثبت على اطار خشبى… بيغطى الحرير بمادة حساسة للضوء بعدين بيوضع التصميم اسفلها ويتم توجيه ضوء من اسفل التصميم.. بفعل الضوء بتتصلب اللمادة الحساسة فى المناطق التى تعرضت للضوء والمناطق التى لم تتعرض للضوء – اللى هى التصميم اللى حطيناه تحت الشبلونه- بعد كده بتتغسل الشبلونه بميه فبتزول المادة الحساسة التى لم تتعرض من الضوء…اللى بنوصله فى الاخر ان مساحه التصميم مسام الحرير فيها بتكون مفتوحه.. والمناطق اللى مش عايزينها تطبع بتبقى المادة الحساسة اتصلبت فيها فبتسد مسام الحرير.. اما بنيجى نطبع بعد كده الحبر بيعدى من المسام المفتوحه فقط اللى هى التصميم بتاعنا
    ملحوظه دى اسمها طباعة ال “Slik Screen”

      az @ 08:12 2006/06/01

  6. az: ممكن أضيف حاجة..انت قصدك على الشبلونة المستخدمة في طباعة المنسوجات. يستخدمها طلبة فنون تطبيقية…أنا قصدي على شبلونة تاني.

      الست نعامة @ 10:23 2006/06/01

  7. هى بعينها… بس انا مسمعتش ان فى شبلونات تانيه الحقيقة… ماتحكيلى كده ايه الشبلونه التانيه غير تباعه السيلك سكرين دى؟؟؟؟؟؟؟؟

      az @ 14:56 2006/06/01

  8. هو توضيحي إللي في الأول ده ماكانش توضيح؟ مش هاعرف اوضح أكتر من كده لما أشوفك المرة الجاية اسأليني وأنا أشرحلك.

      الست نعامة @ 15:23 2006/06/01

عذرا، التعليقات مقفلة.