و بعدين ما فيش حد اعتقل لقضية هو مؤمن بها (مش علشان سرق فرخة مثلا) و بيتمنى الاعتقال للناس التانيين.

اطلع من دول يا عادل. قل أنك غيران يا عادل.

أنت تبع اليائس من حياته؟

أولا:
علاء و مالك و وائل خليل و كمال خليل و فوزي و عشرات المعتقلين ال معهم خرجوا كلهم من حوالي ثمانية أو تسعة أشهر بعد أن قضوا شهرين في المتوسط في الحبس. و هم كانوا من المعتصمين أمام نادي القضاة تضامنا مع القضاة الإصلاحيين.

فين الموقع الكامل ال أنا عامله! أنت غلبان قوي.
دي صفحة واحدة في مدونتي الشخصية، و الصفحة دي جزء من حملة إعلامية أكبر من كدا بكتير شارك فيها أشخاص لا أعرفهم كلهم؛ حملة لا يمكنك تصور مداها و لا حجمها الحقيقي من مجرد الاطلاع على هذه الصفحة، لكن إذا كانت لديك القدرة التقنية فقد يمكنك تتبع آثارها بلغات مختلفة على وب، و هو جزء من حجمها لأن امتداداتهات كانت في الصحافة المطبوعة و التلفزيونات و الإعلام التقليدي في دول كثيرة في ييجي أربع خمس قارات كدا.

الهدف من الحملة لم يكن شخصيا، فغير أن علاء صديقي فقد مكنتنا شهرته – التي سبقت بوادرها اعتقاله و ازدادت بعده – من أن نشكل ضغط على الحكومة يُعتقد أنه حسّن قليلا من ظروف اعتقاله و العشرات الذين كانوا معه و حمايتهم من المعاملة السيئة التي يتعرض لها آخرون.

لو تصفحت المدونة هتلاقي مساهمات مني في حملات أخرى لأشخاص آخرين غير علاء اعتقلوا في أوقات مختلفة.

الناس دول ما اعتقلوش من بيوتهم لأنهم متخانقين مع مأمور النقطة، دي مش مشاكل شخصية؛ دول اعتقلوا من الشارع لأنهم كانوا بيسخروا وقتهم و جهدهم و مواردهم المادية و سلامتهم الشخصية في سبيل قضايا هم شايفين أنها وطنية تهم الشعب ال أنت بتتكلم عليه، منها أن الشعب مش لاقي ياكل!

دي مساهمتي على قد فهمي و على قد قدراتي. أنت عملت إيه في أي حاجة من ال أنت بتلطم عليها؟ غير أنك بتكسر في مجاديف الناس يعني؟

أنت قريت التعليقات الأخرى؟

بني آدم عجيب صحيح! أنت بني آدم فعلا؟
معلش يعني، أنا بأسأل لأن أنا أعرف عيال يعرفوا يكتبوا برمجيات من بضعة أسطر تُبدي من الذكاء أكثر من ال أنت أبديته في التعليق دا!

ثانيا:
فين في المقالة دي، يا محترم، ظهر لك أني محتكر الفكر لنفسي؟
إيه هي الآليات ال منعت بها أمثالك من المفكرين المعارضين للفكر ال أنا بأروج له من أنهم يروجوا فكرهم المختلف؟
فين المعتقل ال أنا حابسهم فيه و الرقابة ال بأمارسها عليك أو على غيرك؟!

و ما تخافش، لما أمسك البلد مش هاسجنك.

للحق: التقصير ال مني هو أني ما حدثتش المقالة بتنويه يقول أنهم أفرج عنهم، لكن دا مش واجب عليّ يعني؛ و بعدين دا حتى أهل الكهف عرفوا خلاص أن الأستاذ ال في الصورة خرج. دي بي بي سي عرفت يا راجل!