Comments on:

By: الست نعامة

الست نعامة — Mon, 25 Jul 2005 18:27:00 +0000

ماكنتش بتأثر خالص بالانفجارات، ماعدا انفجار شرم الشيخ ده، استغربت جداً، ليه يعني وهايستفيدوا ايه؟!
على فكرة انا كنت في مرسى مطروح وقت حدوث التفجار، حسني مبارك لم يكن هناك على فكرة

أتفق مع الف في رفضه للمظاهرات، ليه وهنتظاهر ضد مين؟ الارهاب؟!! يعني ايه؟!!

كان فيه نقاش امبارح مع الزحلوف والشمبانزي والفرسة حول هذا الموضوع، وكان هناك رأي ان يتم عمل نصب تذكاري في شرم الشيخ أو ان تكون المظاهرة في شرم نفسها، ولكن الصعوبة هاتكون في المسافة وكيفية الوصول.

أعتقد ممكن لما نعرف مين الفاعل هايكون هناك رد فعل آخر.

By: Alaa

Alaa — Sun, 24 Jul 2005 18:55:00 +0000

لم أر دين لا يدعوا لقتل الأخر و طبعا الناس بتقول كلام أن ده الفهم الخاطئ للدين بس دعاة القتل برضه بيقولوا الفهم الخاطئ و كل واحد فيهم مصر أن فهمه هو اللي صح

ده غير أن المشايخ اللي مفروض أنهم مش متطرفين و مش بتوع ارهاب مصايب و برضه بيشجعوا نفس الثقافة (و أفتكر مثلا الشعراوي و دعوته الشهيرة لقول وشك أصفر ليه يا عكر لجارك المسيحي بدل ماتقول صباح الخير)

بس يعني أحنا مش بنسبق الأحداث شوية، منين عرفنا مين اللي عمل التفجير و أهدافهم ايه؟ أنا شخصيا مش فاهم خالص و مش عارف ليه الناس بتتكلم بثقة و معرفة كده

By: ألِف

ألِف — Sun, 24 Jul 2005 18:54:00 +0000

معنديش أي فكرة عن المواقع دي و لا عمري شفتها.
بريء يا بيه

لا فعلا، فكرت كثير أن أبحث عنها لكن دائما أنشغل.

أما عن موضوع الإسلام فهذا موضوع طويل: من أول عن “أي إسلام تتحدث” إلى “هل الإسلام هو أتباعه” مرورا على “لماذا تشغل نفسك”

By: Hamuksha

Hamuksha — Sun, 24 Jul 2005 15:44:00 +0000

دائما في أعقاب التفجيرات والانتحاريات نردد عبارة “باسم الإسلام” و”الإسلام دين التسامح” و”هذا ليس الإسلام” ومثيلاتها. سؤال: لماذا لا نفكر أو نفترض مجرد افتراض (سعيا وراء الحقيقة أو الحل) أن هناك مشكلة فعلا في الإسلام نفسه؟ بصراحة أكثر: هل الإسلام بريء تماما؟؟؟

By: Hamuksha

Hamuksha — Sun, 24 Jul 2005 15:17:00 +0000

ألف وعلاء، ممكن تشرحوا لنا مسألة الموقع التي ينشر عليها تنظيم القاعدة بفروعه هذه البيانات؟ ضاعت مني الآن وصلة فرع ’بلاد الرافدين‘ ولكني سآتيك بها لاحقا، كنت قد نزلت منها بالفعل تسجيلا لاستجواب إيهاب الشريف، وكان هذا الموقع نتيجة متقدمة لبحثي على جوجل بعبارة “تنظيم القاعدة في بلاد الرافدين”، الآن لا تظهر النتيجة ولا غيرها من مواقع منسوبة إليهم. ممكن تشرحوا لنا؟

By: ألِف

ألِف — Sun, 24 Jul 2005 03:24:00 +0000

متفق مع علاء، و أضيف السبب الذي ذكره.

By: Alaa

Alaa — Sun, 24 Jul 2005 02:19:00 +0000

مشكلة التظاهر ضد الحكومة دلوقتي أنه في ناس ماتت و المسئولية مش على الحكومة مباشرة و بالتالي أهل القتلى ممكن يعتبروا ده تلكيك و استغلال سياسة لمصيبتهم

الأهم دلوقتي هو دعم أهل القتلى معنويا بتوضيح مشاركتنا ليهم في الحزن و في رفض اللي حصل و ده الأنسب ليه عزاء رمزي أو حاجة شبيهة هادئة مش مظاهرة.

By: butterfly

butterfly — Sun, 24 Jul 2005 00:46:00 +0000

بجد شىء محزن وخصوصاً أنهم مش بس فجروا الألأماكن اللي كلها مصريين بس… دول كمان دمروا مصدر رزقهم – مش قصدي بس المحلات والسياحة ده كمان العربيات اللي السواقيين حطيين فيها دم قلبهم!!! بصراحة أنا أول ماسمعت عن فكرة المظاهرة قلت فكرة هايلة بس وجهة نظرك معقولة يا ألف بس ليه مانستخدمش اللي حصل ده ضد الحكومة في نفس المظاهرة. يعني مش بس ضد اللى فجروا بس كمان ضد اللي مايتسموش. ده مكان الريس (يا سيدي علي الأمن والأمان فعلاً) وبهذه المناسبة أحب أعيد مقولة “جتهم نيلة ملوا البلد”

By: Alaa

Alaa — Sat, 23 Jul 2005 21:13:00 +0000

وفقا لوكالات الأنباء الريس كان بيصيف في مطروح لما جاله خبر التفجير يعني قدامها سنة و متبقاش مصيف الأمان.