هذه الصفحة تعتمد على صفحات الطرز المتراصة (CSS)
| &lArr
2005/07/23

لو كان مفجرو شرم الشيخ حذروا من وجود قنبلة قبل تفجيرها بوقت كاف، لكانوا نالوا بعض الاحترام الواجب للمناضلين بدلا من الاحتقار المستحق على السفاحين، و لكانوا أثبتوا وجهة نظرهم و قدرتهم، و لكانوا أحدثوا نفس الأثر السياسي و ضرب السياحة و كل ما يريدون، لكن مع فارق أنهم لم يكونوا ليقتلوا الأبرياء.

أما عما إذا كان واجبا علينا أن نتظاهر شجبا التفجيرات، فهذا ما أرفضه شخصيا.

ليس لأني أقبل ما حدث و لا لأني أحاول إيجاد أعذار لمن ارتكبوا الجرم، لكن لأني أرى هذه الدعوة من قبيل إخلاء الطرف و براءة الذمة..تماما مثل تجميل صورة الإسلام في الغرب.

على الحكومة أن تكون ممتنة للمتظاهرين المسالمين.

15:48 23-07-2005

وصلني حالا سخام بعنوان مرسى مطروح، مصيف الأمن و الأمان.

مصائب قوم…

(9) تعليقات

  1. وفقا لوكالات الأنباء الريس كان بيصيف في مطروح لما جاله خبر التفجير يعني قدامها سنة و متبقاش مصيف الأمان.

      Alaa @ 16:13 2005/07/23

  2. بجد شىء محزن وخصوصاً أنهم مش بس فجروا الألأماكن اللي كلها مصريين بس… دول كمان دمروا مصدر رزقهم – مش قصدي بس المحلات والسياحة ده كمان العربيات اللي السواقيين حطيين فيها دم قلبهم!!! بصراحة أنا أول ماسمعت عن فكرة المظاهرة قلت فكرة هايلة بس وجهة نظرك معقولة يا ألف بس ليه مانستخدمش اللي حصل ده ضد الحكومة في نفس المظاهرة. يعني مش بس ضد اللى فجروا بس كمان ضد اللي مايتسموش. ده مكان الريس (يا سيدي علي الأمن والأمان فعلاً) وبهذه المناسبة أحب أعيد مقولة “جتهم نيلة ملوا البلد”

      butterfly @ 19:46 2005/07/23

  3. مشكلة التظاهر ضد الحكومة دلوقتي أنه في ناس ماتت و المسئولية مش على الحكومة مباشرة و بالتالي أهل القتلى ممكن يعتبروا ده تلكيك و استغلال سياسة لمصيبتهم

    الأهم دلوقتي هو دعم أهل القتلى معنويا بتوضيح مشاركتنا ليهم في الحزن و في رفض اللي حصل و ده الأنسب ليه عزاء رمزي أو حاجة شبيهة هادئة مش مظاهرة.

      Alaa @ 21:19 2005/07/23

  4. متفق مع علاء، و أضيف السبب الذي ذكره.

      ألِف @ 22:24 2005/07/23

  5. ألف وعلاء، ممكن تشرحوا لنا مسألة الموقع التي ينشر عليها تنظيم القاعدة بفروعه هذه البيانات؟ ضاعت مني الآن وصلة فرع ’بلاد الرافدين‘ ولكني سآتيك بها لاحقا، كنت قد نزلت منها بالفعل تسجيلا لاستجواب إيهاب الشريف، وكان هذا الموقع نتيجة متقدمة لبحثي على جوجل بعبارة “تنظيم القاعدة في بلاد الرافدين”، الآن لا تظهر النتيجة ولا غيرها من مواقع منسوبة إليهم. ممكن تشرحوا لنا؟

      Hamuksha @ 10:17 2005/07/24

  6. دائما في أعقاب التفجيرات والانتحاريات نردد عبارة “باسم الإسلام” و”الإسلام دين التسامح” و”هذا ليس الإسلام” ومثيلاتها. سؤال: لماذا لا نفكر أو نفترض مجرد افتراض (سعيا وراء الحقيقة أو الحل) أن هناك مشكلة فعلا في الإسلام نفسه؟ بصراحة أكثر: هل الإسلام بريء تماما؟؟؟

      Hamuksha @ 10:44 2005/07/24

  7. معنديش أي فكرة عن المواقع دي و لا عمري شفتها.
    بريء يا بيه
    :)
    لا فعلا، فكرت كثير أن أبحث عنها لكن دائما أنشغل.

    أما عن موضوع الإسلام فهذا موضوع طويل: من أول عن “أي إسلام تتحدث” إلى “هل الإسلام هو أتباعه” مرورا على “لماذا تشغل نفسك”
    :)

      ألِف @ 13:54 2005/07/24

  8. لم أر دين لا يدعوا لقتل الأخر و طبعا الناس بتقول كلام أن ده الفهم الخاطئ للدين بس دعاة القتل برضه بيقولوا الفهم الخاطئ و كل واحد فيهم مصر أن فهمه هو اللي صح

    ده غير أن المشايخ اللي مفروض أنهم مش متطرفين و مش بتوع ارهاب مصايب و برضه بيشجعوا نفس الثقافة (و أفتكر مثلا الشعراوي و دعوته الشهيرة لقول وشك أصفر ليه يا عكر لجارك المسيحي بدل ماتقول صباح الخير)

    بس يعني أحنا مش بنسبق الأحداث شوية، منين عرفنا مين اللي عمل التفجير و أهدافهم ايه؟ أنا شخصيا مش فاهم خالص و مش عارف ليه الناس بتتكلم بثقة و معرفة كده

      Alaa @ 13:55 2005/07/24

  9. ماكنتش بتأثر خالص بالانفجارات، ماعدا انفجار شرم الشيخ ده، استغربت جداً، ليه يعني وهايستفيدوا ايه؟!
    على فكرة انا كنت في مرسى مطروح وقت حدوث التفجار، حسني مبارك لم يكن هناك على فكرة :-)

    أتفق مع الف في رفضه للمظاهرات، ليه وهنتظاهر ضد مين؟ الارهاب؟!! يعني ايه؟!!

    كان فيه نقاش امبارح مع الزحلوف والشمبانزي والفرسة حول هذا الموضوع، وكان هناك رأي ان يتم عمل نصب تذكاري في شرم الشيخ أو ان تكون المظاهرة في شرم نفسها، ولكن الصعوبة هاتكون في المسافة وكيفية الوصول.

    أعتقد ممكن لما نعرف مين الفاعل هايكون هناك رد فعل آخر.

      الست نعامة @ 13:27 2005/07/25

عذرا، التعليقات مقفلة.