هذه الصفحة تعتمد على صفحات الطرز المتراصة (CSS)
| &lArr
2005/06/07

لوحة المفاتيح

من أجل الذين يتحججون دائما بأنهم ليس لديهم أحرف عربية على لوحات مفاتيحهم لذا لا يستطيعون الكتابة بالعربية:

لوحة المفاتيح

أو كما يقولون I don't have Arabic on my keyboard!

(20) تعليقات

  1. ماهو بصراحة اللى يسئلنى مبتكتبش عربى ليه يبقى بنى أدم خنقة

    احنا فى مدرسة ولا ايه كل شوية واحد يملى علينا نعمل ايه

    لأ و ايه الواحد منهم يفترض أنك مشاركه فى أهداف حايته يقولك ماهو أنتوا لو عاوزين تحققوا رفعة الأمة العربية يبقى لازم مش عارف ايه و لو عاوزين تلحقوا بركب التقدم يبقى لازم مدرك ايه

    مين اللى قال اننا عاوزين نرفع الأمة و نركب التقدم بس؟ يعنى مش مكفى تملوا علينا نكتب ازاى و هتملوا علينا نفكر ازاى كمان

    و بعدين يا ريتها تيجى من حد بيعمل هو حاجة لأ دايما واحد بيقولك تعمل أنت ايه لكن هو؟ مش ممكن يتحرك أبدا

      Alaa @ 22:03 2005/06/07

  2. ماحدش أملى عليك تعمل إيه، هو أنا جيت حطيت لك الكلام في ودنك و لا رفعت يافطة تحت بيتك!

    تشاركنا في بعض الأهداف لا يعني بالضرورة وجوب تطابقنا في كل الرؤى. و إلا يصبح فاشية لا تختلف كثيرا عن الفاشية الثيولوجية التي تخشاها.

    ماحدش قال لك تعمل حاجة لتقدم الأمم، و كمان اكتب و فلَّح زي ما أنت عاوز.

    كل واحد بيعمل اللي بيقدر عليه :-)

    هذا رأيي.

      ألِف @ 23:30 2005/06/07

  3. معلش أنا بتكلم عن ناس بعينها بنشوف منها كتير بالذات فى منتديات البرامج الحرة

    على العموم أنا قربت خلاص أقدر أكتب عربى فى الكيبورد الفاضية اللى عاجباك ده

    مش عارف ليه الناس طول الوقت شاغلاها الهوية و اللغة و الهيصة و بعدين كل حد من بتوع اللغة المفروض تبقى عنده نزعة فاشية على صغير كده

    بره الموضوع بقة مفيش كلمة أحسن لثيولوجية ديه؟ يعنى فاشية و جديدة علينا لكن الأهتمام بالثيولوجى قديم عند العرب و المصريين و اللى يناسبهم أكيد فى كلمة ألطف.

    و عشان أخد نصيبى من الفاشية لو فى كلمة ألطف يبقى انت مقصر فى حق البشرية انك مبتستخدمهاش يا مهتز الهوية يا مزعزع القومية يا بتاع الكيبورد الممسوح

      Alaa @ 03:38 2005/06/08

  4. يعني لقيتك بتتنطط قلت أعمل الشوية بتوعي :-)
    علاء، من الآخر..أنت ضايع D-:

    (عاجبك كده، أهو الواحد لازم يجرب ستين مرة علشان الsmilie تطلع مضبوطة في RTL :-)
    ليه يا ربي مخلقتنيش أنجلوساكسوني!

      ألِف @ 04:04 2005/06/08

  5. لالالالالالا عيب كده فين الانتماء فين الهوية حد يقول يا ريتنى كنت حاجة غير من العمرانية؟

    لو لم أكن من عمرانيا لوددت أن أكون عمرانيا

    مقلتليش بقه مفيش كلمة كويسة لثيولوجيا (ده سؤال بجد)

      Alaa @ 04:43 2005/06/08

  6. :)
    أنا كمان ما عنديش عربي بس هي ليست حجة فعلا. من أراد أن يكتب بالعربية فسيفعل.
    فص

      عمر العربي @ 04:58 2005/06/08

  7. Alif by the way take a look at ubuntu linux i am using now. Here is a screenshot. This distribution is relatively impressive but still does not fulfill its promise to be Windows-like desktop environment.

    http://www.geocities.com/xo310/Screenshot.jpg

    Omar

      لَهو خَفي @ 05:34 2005/06/08

  8. Wahmeya el KB deh :)
    It’ll be the best practice for writing without looking to the Keyboard. I am training myself to do so, but I’ve to look bardo from time to time, this KB will prevent my looking at all :)
    Training for english & arabic ba2ah ;)

      Eman M @ 10:02 2005/06/08

  9. لا يا علاء و كمان اصل ايه ؟ اليهود احسن مننا ليه بقى ؟ علشان بيكتبوا بلغتهم!!!
    يا سلام و من امتا كان الناس حلوة او وحشة عشان اللغة!
    و بعدين كل اللى بيتنططوا علينا و بيقولوا لا لازم تكتبوا عربى يوم ما يكتبوا حاجة تقنية بيكتبوها بلغات الافرنجة!

    سلملى عال فودافون :-)

      Mohammed Sameer @ 11:26 2005/06/08

  10. أنا مش عارف حكاية اللى يقول الناس كلام من عنده و بعدين يحاسبهم عليه دى منتشرة كده ليه

    لمتى ونبى ubuntu قاللوا انهم هيبقوا windows like يبنى دى بالنسبالنا شتيمة

      Alaa @ 14:12 2005/06/08

  11. Well, my above statement is not accurate you are right. I meant that it is not yet ready to be used as a desktop OS. You need to type #sudo bla bla bla -m -s -l -g [gogo] [momo] [blackjack] -j -i in the root terminal to play blackjack.

      عمر العربي @ 14:43 2005/06/08

  12. Why should it be an insult to you?! One thing I saw in the linux community and is very stupid is extreme arrogance. They are living in a dream thinking that linux is taking the world.
    فص

      عمر العربي @ 14:48 2005/06/08

  13. يا حبيبي العمرانية دي أمستردام بالنسبة للسيدة عايشة..
    ثيولوجيا == لاهوت. لكن أنا مع تعريب أسماء العلوم الأخرى التي ليست لها مقابلات، و لا أعارض أستخدام بيولوجيا(==أحياء) و لا تكنولوجيا(==تقنية).
    إذا كنت تقصد الإسرائيليين يا محمد سمير فهم فعلا أحسن مننا في النقطة دي. يا راجل دول أحيوا لغة ميتة و بيعملوا بيها كل حاجة، و مش هم بس.
    احنا فعلا تأخرنا في موضوع تعريب العلوم، و التكنولوجيا علشان كده نضطر أحيانا للغات أخرى، لكن ما زلنا نحاول.
    تفتكر أن الحل هو أن الشعب كله يروح ياخد كورسات كمبيوتر و لغة من اللي بتعملها جمعية جمال علشان يعرف تعمل تشات، و بكده نبقى تمام!
    و لعلمك معظم اللي بيعملوا نفسهم خواجات و مبيعرفوش عربي كمان مبيعرفوش أي لغة تانية، أو بيقلدوا الأفلام الأمريكاني زي البغبغانات لكنهم غير مستوعبين للبعد الثقافي للكلمات التي يرددوها..

    عموما لا فضل لنظام كتابة على آخر، لكن لماذا تغير ما لديك إذا كان أفضل ما يؤدي الغرض. فيه واحد كتيان بيقول “الحروف الإنجليزي أحسن لأنها ممكن تكتب بيها العربي لكن العكس لأ”!
    و أحب أقول للبيه أن الانجليز غلطوا غلطة عمرهم عندما تبنوا الأحرف اللاتينية لكتابة لغتهم، و النتيجة مهزلة الإملاء الإنجليزي..أما الأحرف العربية فكتبت بها لغات من كل العائلات اللغوية..لكن اللي يفهم.

    و لنكون واضحين، لا يوجد نظام تصويت (transliteration) يستخدم مجموعة الأحرف اللاتينية الأساسية ASCII ينقل أصوات العربي و لا حتى المصري بشكل سليم، و دا يشمل نظام السبعات في ثمانيات بتاع الشباب النِّتَّاوية الكوول.
    نفس الشباب دول لو عرفوا أن قدوتهم الأمريكان و الإنجليز منهم من يسعون لإصلاح الإملاء اقترحوا أبجديات بديلة لتخليص لغاتهم من مصيبتها، هيسورقوا و تصيبهم صدمة و خيبة أمل و يحسوا بالضياع…

    على أي حال دا موضوع أحب أتناقش فيه بطريقة فعالة أكثر من كدا..يعني لما نتقابل.

      ألِف @ 14:58 2005/06/08

  14. أشكرك يا عمر. علي أن أستثمر وقتا أكبر في استكشاف إصدارات لينكس، و هي خطة مؤجلة منذ أعوام..

    عيب عليك يا عمر، تشبيه لينكس بويندوز إهانة لا تدانيها كتابة العربية بنبش الفراخ.
    قل لي، في تركيا يسبون مئة مِلّة للأيام التي كتبت فيها التركية بالعربية، و أعتقد أنك لو كلمت ألمانيا لتقرتح عليه كتابة الألمانية بالعربية لن يرد عليك أصلا بسبب منظرك (أنا أقصد عموما يعني :-)

      ألِف @ 15:09 2005/06/08

  15. أنا مع محاولة تعريب أغلب المصطلحات، اشمعنى يعني السوريين؟؟ رغم إنهم ساعات المواضيع بتوسع منهم وبتاخدهم جلالة التعريب وتلاقي نفسك في الآخر مش فاهم جابوا المصطلح منين

    لكن يا جماعة لوحة المفاتيح اللي من غير كتابة دي شكلها قلق أوي! زي وش من غير ملامح كده! يعني رغم إني مش بابص عليها وأنا بكتب لكن منظر الحروف مريح برضه

      حـدوتـة @ 15:23 2005/06/08

  16. يا الف انا مش ضد العربية و انت عارف كده
    يا سيدي الفاضل انا كنت باحفظ و لسه حافظ شعر جاهلي و باحبه جدا!

    لا اختلف معاك ان اسرائيل او اليهود احسن منا بسبب لغتهم لا فيه اسباب تانية اهم ممكن نتكلم فيها وجها لوجه

    و رايي ان فيه جزئين تحضر و ثقافة بس انا لا استطيع ان احكم عليهم لاننى لم اعش هناك و ليس لي صلات هناك

    ما علينا!

      Mohammed Sameer @ 15:25 2005/06/08

  17. Salamalaikom
    Gharbeia BAsha MAsha2allah your blog became haga mashhoora awy and people come to chat and fight here
    Mabrook ya Ahmed alf Mabrook ferehtelak men alby

    Shaker El Masry

      Shaker EL Masry @ 16:25 2005/06/08

  18. حلوة يا متصل

      ihath @ 18:57 2005/06/08

  19. Ya Alif:-) Why is it Ihane?
    Do you really believe that using linux is easier than using windows?
    It is not.
    I am using it coz i needed to.Majboor walla.
    The installation process is everything but easy. Beginners will suffer and it is easier to teach your children how to use windows than to teach them how to use the command line:-)
    Dad I want to play Hearts.
    Ok do #sudo -l -sd [hearts] -1 /etc/x11
    and dont forget. do it as root user.
    :)

      عمر العربي @ 01:23 2005/06/09

  20. برضه بتقولونا أنا قلت ubuntu حلوة أو جاهزة؟

    حد قال ubuntu مفيهاش غلطات؟

    عموما رأيى الشخصى ubuntu مش أحسن أو أسهل حاجة Mandrake ألطف و أسهل توزيعة جنو/لينكس و تقدر متستخدمش الcommand line أبدا

    و على فكرة الحته اللى مضايقاك دى bug غلطة مش متصممة كده يعنى

    هل ماندراك كويسة أحسن من ويندوز و هل هى أسهل منها؟ ده يعتمد على انت عاوز تعمل ايه و على ذوقك و على استعدادك لتعلم شيئ جديد من عدمه بالنسبة لى أه أحسن و أسهل و user friendly أكتر بالنسبة لغيرى لأ

      Alaa @ 03:37 2005/06/09

عذرا، التعليقات مقفلة.